નેશનલ મીન્સ કમ મેરીટ સ્કોલરશીપ (NMMS)પરીક્ષા-exam 2025-2026

રાજ્ય પરીક્ષા બોર્ડ, ગુજરાત રાજ્ય, સેક્ટર-૨૧, ગાંધીનગર

નેશનલ મીન્સ કમ મેરીટ સ્કોલરશીપ (NMMS)પરીક્ષા-૨૦૨૫-૨૬

શિક્ષા મંત્રાલય, ભારત સરકાર તરફથી અમલમાં મુકવામાં આવેલ નેશનલ મીન્સ કમ મેરીટ સ્કોલરશીપ અંતર્ગત ચાલુ શૈક્ષણિક વર્ષમાં ધોરણ-૮ માં અભ્યાસ કરતા વિદ્યાર્થીઓ માટે નેશનલ મીન્સ કમ મેરીટ સ્કોલરશીપ (NMMS) પરીક્ષા રાજ્ય પરીક્ષા બોર્ડ, ગાંધીનગર દ્વારા નીચેની વિગતે યોજવામાં આવશે.

આ પરીક્ષા માટેના આવેદનપત્રો www.sebexam.org વેબસાઇટ પર તા. ૧૦/૧૧/૨૦૨૫ થી તા. ૨૨/૧૧/૨૦૨૫ દરમિયાન ઓનલાઇન ભરવાના રહેશે.

વિદ્યાર્થીની શૈક્ષણિક લાયકાત :

જે વિદ્યાર્થી ચાલુ શૈક્ષણિક વર્ષમાં ધોરણ-૮ માં સરકારી પ્રાથમિક શાળાઓ, લોકલ બોડી શાળાઓમાં (જિલ્લા પંચાયત/મહાનગર પાલિકા/નગરપાલિકાની શાળા) તથા ગ્રાન્ટેડ પ્રાથમિક શાળાઓમાં અભ્યાસ કરતા હોય માત્ર તેવા વિદ્યાર્થીઓ NMMSની પરીક્ષા આપી શકશે.

આવક મર્યાદાની વિગત:

તમામ કેટેગરીમાં વિદ્યાર્થીના વાલીની વાર્ષિક આવક રૂ. ૩,૫૦,૦૦૦/- થી વધુ ના હોય તેવા વિદ્યાર્થીઓને જ આ શિષ્યવૃત્તિનો લાભ મળવાપાત્ર થશે.

શિષ્યવૃત્તિની રકમ:

પરીક્ષા બાદ જિલ્લાવાર કેટેગરીવાર નિયત ક્વોટામાં (રાજ્યના કુલ-૫૦૯૭ વિદ્યાર્થીઓ) મેરીટમાં આવતા વિદ્યાર્થીઓને માસિક રૂ. ૧૦૦૦/- લેખે વાર્ષિક રૂ. ૧૨,૦૦૦/- મુજબ ચાર વર્ષ સુધી નિયત પાત્રતા ધરાવતા વિદ્યાર્થીઓને ભારત સરકારના શિક્ષા મંત્રાલય ન્યુ દિલ્હી દ્વારા મળવાપાત્ર થશે.