યુનિફાઇડ પેન્શન સ્કીમ Unified Pension Scheme UPS

યુનિફાઇડ પેન્શન સ્કીમને કેન્દ્રએ આપી મંજૂરી

 

 કેન્દ્ર સરકારે પેન્શનને લઈને શનિવારે મોટો નિર્ણય લીધો છે. પ્રધાનમંત્રી મોદીની આગેવાનીમાં કેન્દ્રીય કેબિનેટે સરકારી કર્મચારીઓ માટે યુનિફાઇડ પેન્શન સ્કીમને મંજૂરી આપી છે. કેબિનેટ બેઠકમાં મોદી સરકારે પેન્શન સ્કીમને લઈને મોટો નિર્ણય લીધો છે. જેમાં જૂની પેન્શન યોજના અને નવી પેન્શન યોજનાની જગ્યાએ યુનિફાઇડ પેન્શન સ્કીમ (UPS)ને મંજૂરી આપવામાં આવી છે. સરકારે કહ્યું કે જે કર્મચારી 25 વર્ષથી કામ કરે છે તેને સંપૂર્ણ પેન્શન મળશે. UPS સ્કીમથી 23 લાખ કેન્દ્રીય કર્મચારીઓને ફાયદો થશે. આ યોજના 1 એપ્રિલ, 2025 થી લાગુ કરવામાં આવશે.

કેન્દ્રીય માહિતી અને પ્રસારણ મંત્રી અશ્વિની વૈષ્ણવે કેબિનેટ બેઠક સાથે સંબંધિત માહિતી આપતાં કહ્યું કે, 10 વર્ષ સુધી સેવા આપનારાઓને 10,000 રૂપિયા પેન્શન મળશે. જો કર્મચારીઓની સેવા દરમિયાન મૃત્યુ થાય છે, તો તેમની પત્નીઓને 60 ટકા પેન્શન આપવામાં આવશે.

સરકારે કહ્યું કે તેનો નિર્ણય રાજ્ય સરકાર પણ લાગુ કરી શકે છે. કર્મચારીઓ પર આ યોજનાનો કોઈ બોજ રહેશે નહીં. આ યોજના 1 એપ્રિલ 2025 થી લાગુ થશે. સરકારે કહ્યું કે જો કોઈ કર્મચારીએ ઓછામાં ઓછા 25 વર્ષ કામ કર્યું હોય, તો તેને નિવૃત્તિ પહેલા છેલ્લા 12 મહિનાના સરેરાશ પગારના ઓછામાં ઓછા 50 ટકા પેન્શન તરીકે મળશે. જો કોઈ પેન્શનર મૃત્યુ પામે છે, તો તેના પરિવારને મૃત્યુ સમયે મળવા પાત્ર પેન્શનના 60 ટકા મળશે.

NPS લોકોને UPS પર સ્વિચ કરવાનો વિકલ્પ મળશે

કેન્દ્રીય મંત્રીએ કહ્યું કે, તમામ NPS લોકોને UPS માં જવાનો વિકલ્પ મળશે. NPSની શરૂઆતથી જ જેઓ નિવૃત્ત થયા છે અથવા નિવૃત્ત થવાના છે તેમને પણ આ લાગુ પડશે. આ માટે સરકાર બાકી રકમ ચૂકવશે. 2004થી નિવૃત્ત થયેલા કર્મચારીઓને પણ આ લાભ મળશે. સેવાના દર છ મહિના માટે, માસિક પગારનો દસમો ભાગ (પગાર વત્તા DA) નિવૃત્તિ પર ઉમેરવામાં આવશે. મેં વિકલ્પ આપ્યો છે પરંતુ જો NPS લોકો UPS પર સ્વિચ કરશે તો તેમને ફાયદો થશે. જે કર્મચારી સંગઠનો આજે પીએમને મળ્યા હતા તે બધા યુપીએસથી ખુશ હતા.અશ્વિની વૈષ્ણવે કહ્યું કે આ નવી પેન્શન યોજનાથી કેન્દ્ર સરકારના 23 લાખ કર્મચારીઓને ફાયદો થશે. હાલના કેન્દ્ર સરકારના NPS સબ્સ્ક્રાઇબર્સને પણ UPS પર સ્વિચ કરવાનો વિકલ્પ આપવામાં આવશે.

અત્યારે પેન્શન માટે કર્મચારીઓએ નેશનલ પેન્શન સિસ્ટમ (NPS)માં બેસિક પગારના 10 ટકા ભાગ કોન્ટ્રિબ્યૂટ કરવાનો હોય છે. તેમાં સરકાર પોતાના તરફથી 14 ટકા ભાગ આપે છે. હવે UPS માં કર્મચારીઓએ કોઈ અંશદાન આપવાનું રહેશે નહીં. સરકાર તરફથી કર્મચારીના બેસિક પગારના 18.5 ટકા કોન્ટ્રિબ્યૂટ કરવામાં આવશે.